Në cilin vend të Ballkanit Perëndimor u shtrenjtua buka?
Rritja e çmimit të bukës është problemi i fundit me të cilin përballen qytetarët, jo vetëm në Maqedoni, por edhe në vendet e tjera të Ballkanit Perëndimor.
Në raport me vendet e Ballkanit Perëndimor, Shqipëria është vendi ku çmimi i bukës është rritur më së paku, ndërsa në Mal të Zi çmimi i këtij produkti kryesor ushqimor është dyfishuar. Radio Evropa e Lirë.
Gjegjësisht, buka në Shqipëri është shtrenjtuar për 20 për qind, kështu që tani banorët e këtij vendi e blejnë me çmim prej 0,51 euro (31.67 denarë). Buka në Serbi është shtrenjtuar për katër për qind më shumë se në Shqipëri dhe për të qytetarët paguajnë 0,42 euro (26.08 denarë).
Në Bosnje dhe Hercegovinë ky produkt kushton 0,79 euro (49.05 denarë), që është 35 për qind më shumë në krahasim me vitin e kaluar.
E njëjta përqindje e rritjes së çmimit ka edhe në vendin tonë, ku në shitore nuk ka më madhësi "normale" të bukës së grurit nën 45 denarë. Në Kosovë ky ushqim bazë është shtrenjtuar për 39 për qind dhe qytetarët mund ta marrin për gjysmë euro.