Në Kazakistan po mbahen zgjedhjet e parakohshme parlamentare
Risia e këtyre zgjedhjeve është pjesëmarrja e kandidatëve të pavarur, e cila është shenjë e hapjes modeste demokratike të këtij vendi të Azisë Qendrore.
Vetëm tre parti ishin të përfaqësuara në asamblenë e mëparshme dhe të gjitha mbështetën presidentin e Kazakistanit, Kasim-Jomart Tokaev. Tokaev, i cili është në pushtet që nga viti 2019, u rizgjodh president në nëntor me më shumë se 80 për qind të votave.
Në zgjedhjet e sotme marrin pjesë shtatë parti, mes të cilave dy të reja.
Megjithatë, disa parti opozitare dhe kandidatë të pavarur janë ende të ndaluar.