Komuna e Kamenicës së Maqedonisë heq shpenzimet për shërbime hoteliere. Mjetet, siç informojnë nga Komuna, do të dedikohen për mbështetje të personave me nevoja të veçanta.

- Fjala është për heqjen e plotë të shpenzimeve për katering të Komunës, të cilat janë në vlerë të përgjithshme prej rreth 600.000 denarë në vit. Të gjitha këto mjete do të përdoren për transfere tek një kategori e rrezikuar sociale e qytetarëve, përkatësisht si mbështetje për personat me nevoja të veçanta, për të cilat tashmë është duke u përgatitur një Rregullore e re, theksojnë nga Komuna.

Nga aty shtuan se shpenzimet e bëra për vitin 2022 do të paguhen dhe një blerje e tillë në buxhetin e vitit 2023 nuk do të ekzistojë.

“Po shqyrtohen edhe mundësitë për shkurtimin e të gjitha shpenzimeve joproduktive dhe rritjen paralele të mjeteve për transferet sociale”, shtoi Komuna.

Qëllimi përfundimtar, theksuan ata, është minimizimi i dallimeve sociale dhe rritja e vazhdueshme e përkrahjes për të gjithë qytetarët-banorë të Kamenicës së Maqedonisë.