Për shkak të vitit të keq financiar, drejtuesit e Juventusit kanë në plan të heqin qafe futbollistët që kanë pagat më të larta.

Juventusi javën e kaluar raportoi një humbje prej 254,3 milionë euro për sezonin 2021/22, humbja më e madhe në historinë e Serie A.

Për shkak të kësaj, drejtuesit e “Bianconerëve” mund të ndryshojnë strategjinë dhe të heqin qafe futbollistët me rrogat më të larta dhe ata që do të jenë lojtarë të lirë verën e ardhshme dhe objektivi do të jetë Angel Di Maria, Juan Quadrado, Adrien Rabiot dhe Aleks Sandro.

Quadrado, i cili fiton pesë milionë euro në vit, nuk pranoi të merrte një ulje page.

Alex Sandro, i cili kritikohet shpesh për paraqitjet e tij të dobëta, aktualisht fiton 6,5 milionë euro në sezon, ndërsa Rabiot është lojtari i dytë më i paguar në klub me një pagë vjetore prej 8 milionë eurosh.

Situata me Di Maria është shumë më e qartë pasi argjentinasi shprehu dëshirën për të kaluar një sezon në klubin nga Torino dhe për t'u kthyer në atdheun e tij pas Botërorit në Katar.