Nga sot, në aeroportet kroate nuk ka kontrolle kufitare për pasagjerët në fluturimet brenda zonës Shengen.
Ministria e Brendshme e Kroacisë njoftoi se sot nëntë aeroporte ndërkombëtare në Kroaci kanë filluar zbatimin e plotë të rregullave të Shengenit. Këto janë aeroportet në Zagreb, Dubrovnik, Split, Zadar, Pula, Rijekë, Osijek, Mali Losinj dhe Brac.

Ministria e Brendshme shton se nga numri i përgjithshëm i pasagjerëve në transportin ajror, mesatarisht 70 për qind do të jenë pasagjerë në zonën Shengen dhe 30 për qind jashtë asaj zone. Përjashtim bën aeroporti i Dubrovnikut, ku numri i të dy grupeve të udhëtarëve është i barabartë. Sipas Ministrisë së Brendshme kroate, të gjitha planet e tranzicionit do të zbatohen në aeroporte dhe do të bëhen të gjitha korrigjimet e nevojshme të infrastrukturës për të përcaktuar fluksin e pasagjerëve, domethënë ndarjen e fluturimeve Shengen dhe jo Shengen.

Më 1 janar, Kroacia u bë anëtare e Shengenit, duke hequr kontrollet e brendshme të kufirit tokësor dhe detar.

Zbatimi i rregullave të Shengenit në aeroporte për arsye teknike është paralajmëruar për sot, më 26 mars, me fillimin e orarit veror të fluturimeve.