Gjermania regjistroi një deficit tregtar në baza mujore për herë të parë që nga viti 1991, për shkak të çmimeve më të larta të importeve. Enti Federal i Statistikave Gjermane njoftoi sot se në maj vlera e eksporteve ishte 125,8 miliardë euro, ndërsa vlera e importeve ishte 126,7 miliardë euro. Kjo do të thotë se deficiti tregtar i regjistruar i Gjermanisë arrin në një miliard euro.

Analistët ia atribuojnë inflacionit rritjen e importeve.

Gjatë muajit maj, eksportet nga Gjermania në Rusi u rritën me 30 për qind në krahasim me prillin, kur për shkak të sulmit të Rusisë ndaj Ukrainës dhe sanksioneve perëndimore, ranë me 60 për qind.

Megjithatë, vëllimi i eksporteve gjermane në Rusi në maj mbeti në më pak se 50 për qind krahasuar me të njëjtin muaj të vitit të kaluar.

Burimi: MIA