Në Dellçevë sot në mëngjes ka vazhduar pompimi i ujit nga bodrumet e njerëzve, si pasojë e vërshimeve nga stuhia e djeshme, e cila ka përfshirë qytetin.

Thirrjes së kryetarit të komunës së Dellçevës mbrëmë iu përgjigjën zjarrfikësve nga Kavadari, Koçani, Berova dhe Kamenica e Maqedonisë dhe ndihmuan në sanimin e pasojave të stuhisë.

Gjatë stuhisë janë përmbytur një numër i madh i shtëpive në pjesët e poshtme të qytetit, ndërsa më të rrezikuarit kanë qenë banorët e lagjes Prolet, shtëpitë e të cilëve kanë notuar nën ujë nga derdhja e lumit Gabrovçica. Vërshime janë regjistruar edhe në rrugën “Tsarevoselska”, “Bulevar Makedonija”, në lagjen “Studena Çeshma” dhe në lagjet tjera, të cilat fatmirësisht kanë kaluar pa viktima në njerëz.

Gjatë natës, përveç zjarrfikësve, ka pasur edhe punonjës të ndërmarrjes komunale, të cilët kanë pastruar me mekanizim një pjesë të rrëshqitjeve në rrjetin rrugor.

Në fjalën e tij të mbrëmjes, kryetari i Komunës së Dellçevës informoi se janë vënë në funksion të gjitha resurset në dispozicion, por për përballimin e plotë të pasojave do të nevojitet më shumë mbështetje.

Ai u ka bërë apel qytetarëve të kërcënuar që të denoncojnë situatën në numrin e telefonit të shërbimit, duke shprehur shpresën se gjatë ditës së sotme gjërat do të vihen nën kontroll të plotë.

FOTO+VIDEO | Stuhia në Dellçevë la shkatërrime: rrugë të gëlltitura dhe të gërmuara, automjete nën ujë, plantacione të shkatërruara