Fanella me numër “5” me të cilën performoi Arian Ademi në Dinamo Zagreb do të tërhiqet, njoftoi sonte gjiganti kroat.

Dinamo konfirmoi se Ademi është lojtari i parë në historinë e klubit që ka një numër të pensionuar, por numri do të pensionohet vetëm derisa Ademi është duke luajtur futboll profesionalisht.

“Ne jemi të vetëdijshëm se në futboll është mosmirënjohje të tërhiqesh një numër. Duke parë historinë e Dinamos dhe legjendat që luajtën për klubin tonë dhe lanë gjurmë të mëdha, ne ishim të vendosur të mos tërhiqnim asnjë numër të vetëm. Mirëpo, klubi mori vendim që të tërhiqte fanellën me numrin “pesë” derisa Ademi të ndalojë së luajturi aktivisht futbollin, pra deri në përfundimin e karrierës. Deri atëherë, fanella me numrin pesë do të jetë e rezervuar vetëm për të”.

“Kjo është një shenjë e vogël mirënjohjeje që mund t'i shprehim Arianes për gjithçka që ka bërë gjatë 13 viteve të fundit. Në këtë mënyrë, Dinamo evidenton edhe një herë rëndësinë që kapiteni ynë kishte në klub”, thuhet në njoftimin e klubit.

Ademi, kujtojmë, po vazhdon karrierën e tij në Kinë në skuadrën e Pekinit Guan, me të cilën ka nënshkruar kontratë trevjeçare për një pagë prej rreth 1.5 milionë euro në sezon.