Më shumë se njëqind raste të mundshme të trafikimit të qenieve njerëzore janë zbuluar në Belgjikë
Gjithsej 174 persona janë identifikuar si viktima të trafikimit të qenieve njerëzore në një kantier ndërtimi në Kahlo në qytetin port belg të Antwerpen. Në mesin e viktimave, 17 persona janë nga Bangladeshi, 52 nga Filipinet dhe 105 nga Turqia, tha Zyra e Prokurorit të Belgjikës.
“Këta numra mund të ndryshojnë gjatë hetimit dhe mund të ketë punëtorë të kombësive të tjera”, shtohet në deklaratë.
Viktimat e dyshuara të trafikimit të qenieve njerëzore dyshohet se kanë punuar në kantierin e ndërtimit të kompanisë kimike austriake Borealis në portin e Antwerpen.
Në një deklaratë nga Prokuroria belge thuhet se javën e kaluar Borealis ndërpreu punën në kantier për tre ditë dhe njoftoi pezullimin e kontratës me nënkontraktorin përgjegjës për punësimin e punëtorëve.
Hetimi shtrihet edhe për shkelje të mundshme të ligjit belg të pagave dhe masave të sigurimeve shoqërore.