Vlahovic po lidhet me një transferim të mundshëm te Barça
Duуan Vlahovi. është në “shënjestrën” e Barcelona, Burime katalanase sot zbulon se gjiganti spanjoll po vëzhgon me vëmendje zhvillimet në Juventus pas zbritjes së pikëve dhe kaosit të mundshëm në ekipin nga Torino.
Tani e tutje Juventus do të jetë shumë më e vështirë për të që të arrijë Ligën e Kampionëve, dhe në atë rast nuk përjashtohen largimet e mundshme në periudhën e transferimit të verës. Fokusi i Barçës është te Locatelli dhe Vlahovic, por situata me serbin është shumë më e komplikuar.
Katalanasit shkruajnë se serbi mund të jetë një opsion vetëm nëse Juve mbetet pa Champions League në fund të sezonit. Gjithashtu, Barça beson se Vlahovic mund të jetë një transferim ideal për vitin 2024, kur dhe Robert Lewandowski do të mbushë 36 vjeç.
Ajo që është e rëndësishme të theksohet është se drejtori i Barcelonës, Matteo Alemany është në kontakt të vazhdueshëm me Vlahovicin dhe konfirmohet se ata janë takuar para nisjes për në Torino, ndaj do të jetë interesante të ndiqni zhvillimet në Juventus.
Barça sigurisht që nuk do të mund ta paguajë tani Vlahoviqin, të cilin “Zonja e Vjetër” nuk do ta lërë të lirë pas investimit të 80 milionë eurove, por gjithçka mund të ndryshojë në gjashtë muajt e ardhshëm deri në një vit.