Ai ka qeverisur që nga viti 1979 dhe nuk ka ndërmend të tërhiqet: Presidenti më jetëgjatë në botë u rizgjodh

Presidenti i Guinesë Ekuatoriale/ Foto mia.mk

Presidenti i Guinesë Ekuatoriale, Teodoro Obiang Nguema Mbasogo, është rizgjedhur në detyrë me 95 për qind të votave në zgjedhjet e mbajtura më 20 nëntor. Djali i tij dhe nënpresidenti i vendit, Teodoro Nguema Obiang Mange, e njoftuan këtë në Twitter.

Për momentin, mediat perëndimore nuk mund të konfirmojnë nëse ky pretendim është i besueshëm. Një fitore do t'i jepte 80-vjeçarit Obiang një mandat të gjashtë në detyrë dhe do të çimentonte vendin e tij si kreu i shtetit më jetëgjatë në botë - 43 vjet në pushtet.

“Rezultatet përfundimtare na dëshmuan sërish të drejtë. Ne vazhdojmë të dëshmojmë se jemi një parti e madhe politike”, ka shkruar nënkryetari në Twitter.

Vendi i Afrikës Perëndimore me rreth 1,5 milionë banorë ka pasur vetëm dy presidentë që nga fitimi i pavarësisë nga Spanja në vitin 1968. Obiang përmbysi xhaxhain e tij Francisco Macias Nguema në një grusht shteti në 1979

Video e ditës