“Shqiptarët janë jetimë dhe të poshtëruar nga këta vasalë të paaftë pa asnjë kapacitet kombëtar dhe institucional”, thuhet në deklaratën e BDI-së ku akuzohet qeveria për arrestimin e ish-ushtarëve të UÇK-së me urdhër të Vuçiqit.

“Bashkimi Demokratik për Integrim shpreh zhgënjimin e thellë për veprimin jashtëzakonisht tendencioz dhe të përsëritur të institucioneve të vendit ndaj ish-ushtarit të UÇK-së Blerim Ramadani nga Kosova, i cili është i përndjekur me urdhër të pushtetit serb dhe i arrestuar në Shkup. Humbësit e zgjedhjeve, vasalët dorë puthës në pushtetin monoetnik, të cilët nuk kanë legjitimitetin e votuesve shqiptarë, por të preferuar nga VMRO-ja, mburreshin se e liruan Blerim Ramadanin, duke mashtruar popullin se u ndryshuan masat e sigurisë. , ndërsa dje policia sërish ka vendosur ta ndalojë dhe ta dërgojë në mbajtje aktive”, thuhet në njoftimin e BDI-së.

BDI thotë se pas 50 vitesh qeverisje pa legjitimitet, Vredi ka anuluar të gjitha arritjet kombëtare dhe po poshtëron ish-ushtarët e UÇK-së me urdhër të drejtpërdrejtë të Vuçiqit dhe Serbisë.

Policia maqedonase arrestoi Blerim Ramadanin, ish-pjesëtar i UÇK-së i kërkuar me urdhër nga Serbia.