Qeveria e Serbisë ka porositur sot Ministrinë e Mbrojtjes që të fillojë procedurën për rikthimin e shërbimit të detyrueshëm ushtarak.

Në njoftim, pas mbledhjes së kabinetit të kryeministrit Millosh Vuçeviq, thuhet se anëtarët e Qeverisë kanë miratuar edhe një konkluzion me të cilin Ministria e Mbrojtjes do ta urdhërojë këtë.

Detyrimi për të kryer shërbimin ushtarak në Serbi u hoq më 1 janar 2011, me çka vendi kaloi në modelin e forcave të armatosura profesionale, me mundësi shërbimi vullnetar ushtarak.

Presidenti i Serbisë, Aleksandar Vuçiq, më herët ka thënë se si komandant i përgjithshëm ka nënshkruar marrëveshjen për shërbimin e rregullt ushtarak për 75 ditë.

Dua të besoj se të gjithë e kuptoni se sa shumë na duhet një ushtri e fortë, sa më shumë do të na duhet të blejmë armë, të bëjmë, të krijojmë”, tha Vuçiq.

Në promovimin e togerëve më të rinj të Ushtrisë së Serbisë në Beograd, ai tha se Serbia nuk dëshiron të sulmojë askënd dhe as do ta bëjë këtë.