Ekspozita individuale e Mice Jankulovskit me titull “Black and Black” do të mbahet nga 2 nëntori i këtij viti deri më 6 janar 2025 në Galerinë Phebo and Daphne në Torino të Italisë.

Ekspozita u hap më 2 nëntor si një event anësor i panairit të artit bashkëkohor Artissima 2024 në Torino, organizuar nga TAG (Torino Art Galleries) në kuadër të Natës së Artit Bashkëkohor.

Ekspozita është kuruar nga Dr. Melanie Zefferino, Drejtoreshë e Muzeut të Tekstileve në Chieri dhe Profesore e Asociuar në Akademinë e Arteve të Bukura Albertina në Torino.

- Puna krijuese e Mice Jankulovskit përfshin media të ndryshme dhe pasqyron vizionin e tij për botën, e cila vazhdimisht ndryshon dhe në të cilën një mori gjërash lëvizin nëpër kohë dhe hapësirë, mbivendosen në një plan që shtrihet pafundësisht larg. Nëpërmjet soditjes, meditimit dhe krijimtarisë, ai percepton dhe më pas formon rendin universal që përqafon diversitetin dhe transformimin e vazhdueshëm. Pas paraqitjes ideale të treguar të jetës së formave fshihet vëzhgimi i artistit si çelësi i interpretimit të filozofisë së tij: çdo vepër ka historinë e vet dhe hapet në një mori dimensionesh të reja - shkruan kuratorja Dr.Melanie Zeferino.

(Teksti është botuar në "Shtypi Kulturor" numër 255, në botimin e shtypur të gazetës "Sloboden Pechat" më 9-10.11.2024)