Williams: Një miliard dollarë për një ekip të Formula 1 nuk është asgjë
Çmimi i ekipeve të Formula 1 po rritet sepse kërkesa po rritet. Ka pasur oferta prej një miliardë dollarësh për të blerë ekipin, por asnjë nga pronarët nuk dëshiron ta shesë
Shefi i ekipit të Williams Formula 1, James Vowles, beson se një miliard dollarë nuk është një çmim i lartë për të blerë një ekip që merr pjesë në "cirkun më të shpejtë".
Drejtori i Përgjithshëm i Formula 1, Stefano Domenicali, tha se ka interes serioz tek investitorët për të blerë ekipe nga kjo garë dhe disa nga pronarët aktualë kanë refuzuar ofertat me vlerë gati një miliardë dollarë.
– Çfarë është një miliard dollarë për një ekip të Formula 1, shumë apo pak? Pyetje interesante. Në NFL, skuadra më e lirë është katër miliardë dollarë, dhe ato të shtrenjta kushtojnë gjashtë miliardë. Për Formula 1, këto para, një miliard dollarë, nuk janë aq shumë, dhe vlera e ekipeve do të rritet akoma, sepse sporti ka një potencial serioz për zhvillim - thotë Vowles.
Futja e kufizimeve buxhetore në Formula 1 dhe rritja e interesit për sportin nga viti 2020 e në vazhdim ka bërë që vlera e çdo skuadre në kampionat të rritet në qiell. Por problemi për blerësit potencial është se askush në Formula 1 nuk dëshiron të shesë ekipin e tyre.
