Çfarë ka ndodhur në Fondin e Inovacionit në vitet e fundit? Me ardhjen në krye të institucionit, ushtruesi i detyrës së drejtorit të FITR-it, Nikolla Dodov, ka kërkuar një auditim, i cili është ende në vazhdim. Tani për tani bëhet e ditur se gjashtëdhjetë kompani, përfshirë edhe objektet private shëndetësore, e kanë dëmtuar buxhetin e Fondit për 3,2 milionë euro.
Një pjesë e mediave spekuloi se në këtë listë kishte kompani të lidhura me zyrtarë të ish-qeverisë. Dodov është kategorik se ky informacion nuk ka ardhur nga Fondi.

- Ne i dimë emrat e kompanive, por në interes të hetimit nuk do t'i shpall tani, së shpejti publiku do të njihet me këtë, sigurisht do ta tregojmë. Ky informacion që ka rrjedhur në publik nuk është nga ne - thotë Dododv.

Këto janë kompani që janë financuar në gjashtë vitet e fundit. Kontrollet e kryera nga Fondi kanë konstatuar parregullsi.

- Proceset tona konfirmuan se këto kompani nuk i kanë përfunduar aktivitetet e projektit, pra kur ka ardhur deri te momenti i zgjidhjes së kontratës, ku përfshihet edhe kthimi i mjeteve të marra nga Fondi, këto kontrata janë futur në sirtar dhe ndaj tyre nuk është vepruar - thotë ai.

Dodov u befasua me atë që e priste, raste kur kompanitë që kanë marrë para nga Fondi nuk kanë dorëzuar raporte, kompani që nuk i kanë zbatuar aktivitetet e parapara në aplikacionin e mëparshëm për të cilin kanë marrë para.

- Kur Fondi i jep para një kompanie, nëse projekti i saj është i pasuksesshëm, atëherë automatikisht ndërpritet kontrata dhe ato mjete duhet të kthehen, por asnjëra nga këto gjashtëdhjetë kompani nuk ka kthyer para - tha Dodov.

Auditimi gjithashtu zbuloi se cilat janë qytetet më inovative, pra me numrin më të madh të projekteve të paraqitura për frymë.

- Strumica dhe Tetova janë statistikisht qytetet më inovative në Maqedoni - iu përgjigj Dodov pyetjes sonë.

Fondi jep shumë shanse, shpjegoi bashkëbiseduesi ynë, kompanitë duhet të raportojnë çdo tremujor. Dhe problemi, siç thotë ai, nuk është nëse dikush ka marrë para, por i ka dështuar biznesi, por kur nuk i shpenzon paratë për atë që të janë dhënë.

- Kemi një kompani auditimi të jashtëm që shqyrton të gjitha dokumentet, pagesat, çfarë është realizuar dhe në fund kryhet një aktivitet në terren kur të konstatohen anomalitë me të cilat po përballemi. Auditorët japin mendimin e tyre, është një organ i jashtëm i huaj që vendos se kush do të financohet - tha Dododv.

Ai thekson se në Raportin Vjetor të publikuar është një moment shumë inkurajues fakti që Komisioni Evropian ka shënuar progres në harmonizimin e vendit me standardet evropiane për kërkimin dhe inovacionin në fushën e shkencës.

Sipas disa indikacioneve evropiane, Fondi i Inovacionit është në vendin e pestë për nga suksesi.

- Është një nivel i shkëlqyer, por synimi ynë është të reformojmë Fondin dhe ta çojmë në një nivel akoma më të lartë dhe të ecim përpara duke ndjekur legjislacionin evropian, praktikat për zhvillimin e ekosistemit të biznesit, zhvillimin e inovacioneve, prezantimin e projekteve dhe shërbimeve të reja. në vetë kompanitë – tha Dodov.