Problemi me të cilin qytetarët e Shkupit po përballen prej disa vitesh është ajri i ndotur. Shtypi i lirë, bëri një anketë mes qytetarëve dhe i pyeti se kush është ndotësi më i madh dhe kush dhe si duhet ta zgjidhë problemin.

– Ndotësit më të mëdhenj janë objektet dhe fabrikat industriale. Edhe pse na paraqiten informacione të tjera, se amvisëritë janë ato që ndotin më shumë, mendoj se kontribuon edhe qarkullimi normal, veturat – tha një nga qytetarët.

Njerëzit publikisht shprehën pakënaqësinë e tyre për mungesën e shpejtësisë së qeverisë dhe ministrive kompetente që nuk kujdesen për shëndetin e qytetarëve.

-Mendoj se duhet të protestojmë të gjithë, sepse ky helmim sistematik ka vite që ka. Nëse nuk dalim asgjë nuk do të ndryshojë – tha një nga aktivistët në protestë, i cili bëri thirrje për aksion masiv.