VIDEO | Të kapur, por jo të harruar: Njerëzit përdorin dronë për të ushqyer qentë La Palma
Vullkani që detyroi evakuimin e mijëra njerëzve në Ishullin Kanarie të La Palmës, bëri kërdi dhe shumë kafshë u bllokuan në mes të atij kaosi, raporton Times.
Sidoqoftë, një video i kthen shpresën njerëzimit. Ajo tregon qen të uritur dhe të frikësuar të bllokuar nga rrjedhat e shumta të lavës vezulluese, pa ujë ose ushqim.
Shpresa e tyre e vetme vjen nga qielli, me ndihmën e dronëve. Vullkani Kumbre Viela i La Palma shpërtheu më 19 shtator dhe rrjedhjet e nxehta të lavës që përfshinë gjithçka në rrugën e tyre e bënë të pamundur që këto kafshë të pafuqishme të shpëtoheshin në tokë.
Sidoqoftë, Cabildo de la Palma, organi drejtues i ishullit, tha se të dy kompanitë i kishin ushqyer kafshët gjatë pesë ditëve të fundit, duke përdorur dronë për të shpërndarë ushqim dhe ujë.
"Cabildo de la Palma falënderoi Volcanic Life dhe Ticom Solutions për punën e tyre vetëmohuese në sigurimin e mirëqenies së kafshëve të bllokuara në Todoke të sipërme pasi ato ishin të rrethuara me llavë," thuhej në deklaratë.
VIDEO: Shpërthimi i vullkanit në Ishujt Kanarie, 5 mijë njerëz u evakuuan
VIDEO: Shpërthimi i vullkanit në Ishujt Kanarie, 5 mijë njerëz u evakuuan