Qyteti është mbuluar me plehra, Shkupi dhe Maqedonia janë mbuluar me mbeturina. Nisur nga ky fakt, vendosëm të krijojmë një kosh plehrash interaktiv që u flet kalimtarëve dhe i paralajmëron të mos hedhin mbeturina, njoftoi Qendra e Arteve Bashkëkohore për instalimin e tyre të ri.

“Shpresojmë që duke i këshilluar qytetarët dhe autoritetet në këtë mënyrë kreative dhe deri diku humoristike, do të kemi sukses sadopak të ndërgjegjësojmë për higjienën komunale dhe të kontribuojmë për një qytet më të pastër”, thekson Qendra për Arte Bashkëkohore.

Koshi është bërë nga materiale të ricikluara (një tub i vjetër kanalizimesh) dhe përmban pajisje elektronike me sensorë që zbulojnë lëvizjen dhe paralajmërojnë njerëzit të mos hedhin mbeturina përreth, dhe kur dikush hedh mbeturinat koshi thotë faleminderit dhe tregon historinë e tij për plehrat në qytet. Në predikimin e tij, koshi u ofron qytetarëve mundësinë të bisedojnë me të dhe të dëgjojnë arsyet pse qyteti është i pisët, por edhe të dëgjojnë problemet me të cilat përballen shumica e koshave të plehrave.

Në periudhën e ardhshme koshi do të vendoset (përballë studios së dizajnit të King of Print pranë kafenesë Krug dhe në Galerinë Mobile Asambleje në Parkun Frankofoni) në qendër të Shkupit, ndërsa nga java e ardhshme qytetarët do të mund të takoheni dhe bisedoni me koshin në vende të ndryshme.

Poema është vepër e grupit Urban Art Actions, i cili punon në bashkëpunim me Qendrën për Arte Bashkëkohore.

Ju mund të shikoni videon që tregon se si funksionon koshi këtu: