Grupi Urban Art Actions, i cili punon në bashkëpunim me Qendrën për Artet Bashkëkohore, krijoi një kosh plehrash interaktiv që u flet kalimtarëve dhe i paralajmëron ata të mos hedhin mbeturina.

Siç informohet nga Qendra për Artet Bashkëkohore, koshi është bërë nga materiale të ricikluara (një tub i vjetër kanalizimesh) dhe përmban elektronikë me sensorë që zbulojnë lëvizjen dhe paralajmërojnë të mos hedhin mbeturina përreth, dhe kur dikush hedh mbeturina, koshi falënderon dhe i thotë histori për plehrat në qytet. Ata theksojnë se në predikimin e tij koshi u ofron qytetarëve mundësinë që të bisedojnë me të dhe të dëgjojnë arsyet pse qyteti është pis, por edhe të dëgjojnë problemet me të cilat përballet pjesa më e madhe e kazanëve të plehrave.

Qendra për Arte Bashkëkohore njofton se në periudhën e ardhshme koshi do të vendoset (përballë studios së dizajnit të King of Print afër kafenesë "Krug" dhe në Galerinë Mobile Montage në Parkun Frankofone) në qendër të Shkupit. dhe nga java e ardhshme qytetarët do të mund të takohen dhe të bisedojnë me koshin në lokacione të ndryshme.

Qendra shpreson që duke paralajmëruar qytetarët dhe autoritetet në këtë mënyrë kreative dhe deri diku humoristike, do të mund të ndikojmë sadopak në ndërgjegjësimin për higjienën komunale dhe të kontribuojmë për një qytet më të pastër.