Kai Trump, mbesa 17-vjeçare e Donald Trump, ka treguar së fundmi në kanalin e saj në YouTube se si duket pjesa e brendshme e avionit luksoz të gjyshit të saj, i njohur si “Trump Air Force One”.

Mbesa e ish-presidentit amerikan u filmua në bord teksa po udhëtonte për në Brownsville, Teksas, për të marrë pjesë në nisjen e raketës SpaceX të Elon Musk.

Trump bleu Boeing 747 në vitin 2011, i cili vlen rreth 100 milionë dollarë dhe është i njohur për brendësinë e tij luksoze dhe detajet luksoze, si rripat e sigurimit që janë zbukuruar me ar 24 karatësh. Mirëpo, veç detajeve luksoze, vëmendjen e përdoruesve të rrjeteve sociale e tërhoqi edhe figura e pazakontë e vendosur në kabinë, e cila tregon karakterin e Terminatorit me kokën e Trump.

Ndryshe, aeroplani ka divane me jastëkë prej kadifeje dhe televizorë plazma, si dhe detaje të shumta prej ari, dhe sasia e arit në aeroplan gjoja mund të mbulojë të gjithë pamjen e jashtme të tij.