Televizioni shtetëror ukrainas publikoi një video që tregon ushtarët ukrainas duke hequr flamurin rus nga një ndërtesë zyrtare në Suja, një qytet në rajonin e Kurskut të Rusisë.

Videoja, për të cilën televizioni shtetëror tha se ishte regjistruar të mërkurën, më 14 gusht, tregon tre ushtarë ukrainas duke ngritur dhe hequr flamurin rus ndërsa thërrasin "Lavdi Ukrainës".

Korrespondenti i televizionit shtetëror raportoi se forcat ukrainase kanë kontroll të plotë mbi Suja, një qendër kryesore për dërgimin e gazit në të gjithë Evropën, raporton Reuters.

Moska ka thënë se forcat ruse po vazhdojnë të luftojnë forcat ukrainase në një përpjekje për të marrë kontrollin kontrollin e qendrës strategjike kufitare të Sujës, e cila konsiderohet një qendër jetike e gazit në këtë pjesë të Rusisë.