VIDEO: Adoleshentët i sollën triumfin Borussia Dortmundit

Mukoko dhe Binoe-Gitens i sollën fitoren Borussia-s/foto: EPA-EFE/RONALD WITTEK

Lojtarët e Borussia Dortmundit kanë festuar me rezultat 3:1 në vizitën e tyre në Freiburg në ndeshjen e xhiros së dytë në Bundesligën gjermane.

“Milionerët” e nisën mirë sezonin, pas fitores në xhiron e parë në derbin ndaj Bayer Leverkusenit me 1:0, sonte mposhtën një tjetër skuadër që ka ambicie të mëdha.

Shansin e parë të ndeshjes e dha nënshkrimi më i ri i Borussia, Anthony Modeste, i cili erdhi si zëvendësues për të sëmurën Sebastian Aller, por gjuajtja e tij u ndal nga portieri vendas Mark Flecken. Një minutë më vonë, Freiburgu është kundërpërgjigjur përmes hungarezit Roland Shalai, por rezultati nuk ka ndryshuar.


Atë që nuk e bëri Shalai, ia doli Mihael Gregoric në minutën e 35-të, i cili i dha epërsinë Freiburgut.

Dukej se Freiburgu do të arrinte të ruante portën e paprekur dhe të merrte një fitore të madhe, por trajneri Edin Terzic prezantoi në pjesën e dytë dy futbollistët e rinj të lindur në vitin 2004, Gittens dhe Mukoko, të cilët përmirësuan rrjedhën e lojës.

Në minutën e 77-të, Yusuf Mukoko asistoi Jamie Bino-Gitens për të barazuar 1:1.

Shtatë minuta më vonë, “milionerët” bënë një kthesë të plotë, këtë herë shënues ishte Mukoko i asistuar nga Julian Brandt.

Një tjetër zëvendësues, Marius Wolff, vendosi rezultatin përfundimtar edhe dy minuta të mbetura në lojë.

Video e ditës