Kombëtarja e Serbisë sot në ndeshjen e parë të eliminatoreve për Kampionatin Evropian 2024 triumfoi ndaj Lituanisë 2:0 në stadiumin Rajko Mitic të Beogradit në kuadër të Grupit G.

Shënues i golit të parë për serbët ishte Tadiç në minutën e 16-të dhe i njëjti lojtar asistoi Vllahoviçin në minutën e 53-të. Më parë, në të njëjtin grup, përzgjedhja e Malit të Zi ka festuar me 0:1 në vizitën ndaj Bullgarisë..

Në grupin “B” Franca në Paris ishte bindëse me 3:0 ndaj Holandës. Të gjitha dilemat rreth fituesit u zgjidhën në pjesën e parë, Griezmann filloi serinë e golit në minutën e dytë, Upamecano shtoi në të tetën dhe Mbappe e bëri 3:0 në minutën e 21-të. Ylli i PSG-së, Mbappe ka shënuar një tjetër gol në minutën e 88-të.

Lukaku udhëhoqi Belgjikën me het-trick kundër Suedisë (0:3), me golat në minutën e 35, 49 dhe 83.

Kombëtarja e Ishujve Faroe, ndaj të cilit Maqedonia do të luajë një ndeshje miqësore të hënën në Shkup, barazoi me Moldavinë (1:1) në Kishinau. Epërsinë për Ishujt Faroe e solli Mikkelsen pas asistimit të Olsenit në minutën e 27-të dhe moldavët morën një pikë me Nicolaescu në minutën e 86-të nga penalltia.

Kualifikimet EC 2024
E premte, rezultate -

Bullgari - Mali i Zi 0: 1
Austri – Azerbajxhan 4:1
Republika Çeke – Poloni 3:1
Francë – Holandë 4:0
Gjibraltar – Greqi 0:3
Moldavia – Ishujt Faroe 1:1
Serbi - Lituani 2: 0
Suedi – Belgjikë 0:3