Mjekët hungarezë po përdorin inteligjencën artificiale për të zbuluar kancerin e gjirit katër vjet përpara se sëmundja të zhvillohet. Inteligjenca artificiale sheh vende që mjekët nuk janë në gjendje t'i shohin dhe zbulon rrezikun e zhvillimit të kancerit, thonë mjekët e përfshirë në program.

Procesi quhet zbulim me ndihmën e kompjuterit dhe me ndihmën e inteligjencës artificiale në mamografi mund të evidentohen vendet ku ekziston rreziku i zhvillimit të kancerit.

Sipas shkrimeve në disa nga mediat botërore, ekipi i mjekëve ka vërejtur se në të njëjtat vende që janë shënuar me kompjuter, disa vite më vonë pacientët kanë zhvilluar kancer.

Kështu, tek një pacient, kanceri u zbulua 4 vjet përpara se të zhvillohej.

Bëhet fjalë për vende që nuk mund të zbulohen nga mjekët dhe pas zbulimit të hershëm të tyre, personeli mjekësor përcakton se cilat analiza shtesë duhet të bëhen për pacientët për të siguruar parandalimin e nevojshëm të zhvillimit të mëtejshëm të sëmundjes.

“Kjo teknologji mund të hedhë një vështrim më të afërt në mamografi dhe të identifikojë anomalitë në zona specifike që mjekët do të donin t'i shqyrtonin më në detaje. Ky quhet zbulim me ndihmën e kompjuterit dhe u përdor për herë të parë në vitet 90, por teknologjia po përmirësohet. Ka një sërë ndryshimesh që po shohim. Ka ndryshime që nuk janë tumore. Ju nuk mund t'i jepni çdo pacienti që ka bërë mamografi një biopsi shtesë. Kjo teknologji i ndihmon pacientët të zbulojnë rrezikun”, thotë Dr. Larry Norton 'CNN".

Hungaria si vend ka një program të avancuar për testimin e pacientëve për kancerin e gjirit, me rreth 35.000 teste që kryhen çdo vit.

Mund ta shikoni videon KETU

FOTO+VIDEO | Grua e fortë: Lila Filipovska u shfaq në panairin e dasmave pasi rrëfeu betejën e saj me kancerin