VIDEO | Tërmet i fuqishëm në Iran, të paktën tre të vdekur
Të paktën tre persona humbën jetën dhe qindra u plagosën nga tërmeti me magnitudë 5,9 ballë të shkallës Rihter që goditi pjesën veriperëndimore të Iranit, njoftoi sot agjencia shtetërore e lajmeve IRNA.
Sipas raportit, ndërtesat në dhjetëra qytete u dëmtuan dhe më shumë se 440 njerëz u plagosën.
Iran 🇮🇷, me magnitudë 5.9 ballë, me 447 viktima.
HIPOTEZA: Tërmeti i shkaktuar nga shpërthimet e objekteve nëntokësore të armëve? pic.twitter.com/lAp8lsMYOw
—Jason Jay Smart (@officejjsmart) Janar 29, 2023
Tërmeti ka ndodhur në orën 21:44 të së shtunës në mbrëmje në provincën e Azerbajxhanit Perëndimor, pranë kufirit me Turqinë, tha Qendra Sizmologjike iraniane në Teheran.
Qyteti Hoi u prek veçanërisht, por lëkundjet u ndjenë edhe në rajone të tjera.
Javën e kaluar të paktën 120 persona u plagosën nga një tjetër tërmet, i cili ndodhi në pjesën veriperëndimore të vendit.