Милан u largua nga gara për titullin në Itali, tashmë 12 pikë prapa liderit Napoli që ka një lojë më pak.

“Rosonerët” për katër ndeshje radhazi nuk kanë fituar në Serinë A, sot çuditërisht kanë zhgënjyer tifozët e tyre me humbjen e rëndë 2:5 ndaj Sassuolo. Nëntë gola të pësuar në dy ndeshje, po të kemi parasysh edhe humbjen në xhiron e fundit ndaj Lacios (4:0).

Mysafirët shënuan dy gola në 120 sekonda me Defrel dhe Fratesi, më pas Giroud reduktoi pas asistimit të Kalabrisë.

Në listën e golashënuesve u fut edhe Berardi për 1:3 pas 30 minutash lojë, ndërsa në fillimin e pjesës së dytë ishte tashmë 1:4 kur Lauriente gjuajti saktë nga pika e bardhë.

“Fishekzjarret” u kompletua nga Mateus Henrique në minutën e 79-të dhe epilogun përfundimtar e dha Origi (81’).

Milani është në vendin e katërt me 38 pikë, aq sa Atalanta në pozitën e tretë dhe dy më pak se Interi i dytë. Sassuolo, i cili pas një periudhe të gjatë iu rikthye fitoreve dhe që synon mbijetesën në elitë, është në vendin e 16-të me 20 pikë, si dhe Leçe në pozitën e 15-të.