Një grup kamerierësh janë përleshur me të ftuarit në sheshin e famshëm të Shën Markut në Venecia. Mediat italiane raportojnë se shtatë kamerierë janë përleshur me katër shtetas të huaj. Një video e përleshjes, e cila ndodhi të enjten, është regjistruar nga një kalimtar i rastit.

- Çfarë po ndodh? Zoti im - dëgjohet gruaja që ka regjistruar videon duke thënë.

Në video shihet kamarieri i shkurtër duke e shtyrë mysafirin nëpër tavolinë dhe duke e goditur disa herë me grusht. Më pas kolegu i tij e pengon dhe godet një mysafir tjetër nga pas. Një nga të pranishmit vazhdon të përpiqet të mbrohet duke mbajtur një karrige përpara tij.

Përleshja thuhet se nisi pasi disa kamerierë larguan një mysafir pas një debati verbal. Më pas të ftuarit janë kundërpërgjigjur dhe kanë shtyrë kamarierët, pas së cilës ka pasur një përleshje masive. raportoi Daily Mail.