Në ndeshjen e pestë të segmentit C në Ligën e Kombeve, përfaqësuesja A e futbollit të Maqedonisë në Arenën Kombëtare “Todor Proeski” në Shkup festoi me 1:0 ndaj Letonisë.

Golin e vetëm për kombëtaren tonë e shënoi Nikolla Serafimov në minutën e 57-të të ndeshjes. Është goli i parë për Serafimov në fanellën e kombëtares për të rriturit.

Formacioni startues i Maqedonisë: Dimitrievski, Alioski, Zajkov, Serafimov, Dimoski, Bardi, Alimi, Elmas, Trajkovski, Miovski, Çurlinov. Paraqitën edhe Qamili, Ristovski, Mitrovski, Velkovski dhe Ashkovski.

Në këtë mënyrë, futbollistët tanë më të mirë konfirmuan vendosjen e tyre në rangun më të lartë B të garës.

Në të njëjtin grup, kombëtarja e Ishujve Faroe bëri një surprizë duke festuar ndaj Armenisë me rezultat 1:0.

Pas pesë raundeve, Maqedonia është në vendin e parë në Grupin 4 me 13 pikë, përpara Ishujve Faroe me nga gjashtë, dhe Armenia dhe Letonia kanë nga katër.

Në ndeshjen e fundit, të gjashtë, që po ashtu do të luhet në Shkup, Maqedonia do të presë përfaqësuesen e Ishujve Faroe.