VIDEO: Protestë para Qeverisë kundër propozimit francez

Foto nga MIA

Sonte po mbahet protestë para Qeverisë kundër pranimit të propozimit francez për heqjen e vetos bullgare dhe hapjen e negociatave për anëtarësim të Maqedonisë së Veriut në BE.

Protesta nën moton “FUNDIMTARE – Jo faleminderit” u mbështet nga disa parti politike dhe organizata të shoqërisë civile. Ata janë kundër nënshkrimit të propozimit francez nga Qeveria, i cili, siç theksojnë, është jashtëzakonisht i keq për popullin maqedonas dhe për interesat kombëtare maqedonase.

Protesta mori mbështetje edhe nga partia më e madhe opozitare VMRO-DPMNE, lideri i së cilës Hristija Mickoski u bëri thirrje qytetarëve që të bashkohen, në mënyrë që, siç tha ai, të mbrojnë atë që quhet vlerë evropiane dhe të shpëtojnë procesin e negociatave me Bashkimin Evropian.

Sipas Mickoskit, "propozimi është një ultimatum dhe një diktat bullgar për kërkesat megallomane dhe aspiratat historike ndaj Maqedonisë".

Video e ditës