VIDEO | Princi William shpërndau drekën për të pastrehët: Ai u krahasua me nënën e tij, Princeshën Diana
Princi William tregoi anën e tij humane gjatë sezonit festiv. Në llogarinë zyrtare në Instagram që ndan me bashkëshorten e tij, Princeshën Kate, është publikuar një video në të cilën William u shpërndan drekën të pastrehëve.
Shiko këtë post në Instagram
Princi ka vizituar fondacionin “The Passage” në Londër dhe për këtë rast ka vendosur edhe një përparëse të bardhë. Ai shpërndau ushqim për të pastrehët me një buzëqeshje të madhe, ndërsa më pas u fotografua me disa prej tyre.
“Një falenderim i sinqertë për të gjithë vullnetarët në The Passage që punojnë pa u lodhur për të mbështetur të pastrehët, veçanërisht gjatë sezonit festiv. Gjëra të tilla japin shpresë dhe krijojnë një ndjenjë komuniteti për ata që kanë më shumë nevojë për të”, thuhet në përshkrimin në Instagram.
Shiko këtë post në Instagram
Videoja mori gati 69 mijë pëlqime në një kohë të shkurtër. Shumë shpejt kanë nisur edhe komentet e fansave, të cilët përveç mjekrës së Uilliam-it kanë vlerësuar edhe vetëmohimin e tij.
"Ai do të jetë mbreti më i mirë që ka parë ndonjëherë ky vend", "Është e natyrshme që ai t'i shërbejë komunitetit", "Më pëlqen sa i pranishëm është kur flet me të tjerët", "Mbretëria e Bashkuar është me fat që e ka si princ. “, të gjitha pjesë e komenteve.
"Ai e trashëgoi këtë nga Princesha Diana", "Ne jemi të sigurt që nëna juaj e ndjerë është krenare për ju", "Ai po ndjek hapat e nënës së tij. Ajo i mësoi se jo të gjithë janë aq me fat sa ai”, komentojnë të tjerët duke kujtuar të ndjerën princeshë Diana.
