Kemi kontaktuar me bashkitë përreth, ndihma për sa i përket pompave të ujit është rrugës dhe jemi në pritje, jemi organizuar, dimë se ku t'i drejtojmë këto pompa. Personat shtëpitë e të cilëve janë përmbytur mund të telefonojnë në numrin 193 të zjarrfikësve, tha kryetari i komunës së Dellçevës. Goran Trajkovski, pas stuhisë së fortë që përfshiu Dellçevën dhe rrethinën.

Ai bën me dije se disa rrugë janë përmbytur, në njërën prej tyre është shembur asfalti, ndërsa në terren janë ekipet e Njësisë Territoriale të Zjarrfikësve, ndërmarrjes komunale “Rruga e Maqedonisë”.

Policia rrugore është këtu, shtoi ai, për të vënë në funksion qytetin sa më shpejt të jetë e mundur dhe për të ndihmuar njerëzit ku shtëpitë janë të përmbytura.

Reshjet me atë intensitet me të cilin kanë qenë për një orë e disa minuta nuk ka asnjë kanalizim atmosferik që mund ta thithë atë”, tha ndër të tjera Trajkovski.

Drejtori i ndërmarrjes komunale Stojçe Stojkovski sqaroi se për shkak të keqfunksionimeve, ka mundësi që vendbanime të caktuara të jenë pa ujë të pijshëm gjatë natës.

Trajkovski dhe Stojkovski rekomandojnë qytetarët që tash për tash të blejnë ujë të pijshëm.