VIDEO | Një vajzë pesëvjeçare u shpëtua pasi mbeti e bllokuar nën rrënoja për shtatë orë
Një vajzë pesëvjeçare u shpëtua nga rrënojat pasi u bllokua shtatë orë pas tërmetit, raportojnë mediat turke.
Aishja e vogël jetonte me prindërit dhe vëllain e saj në një ndërtesë gjashtëkatëshe në qytetin Kahramanmaras. Kur tërmeti goditi zonën, ndërtesa u shemb dhe familja mbeti e bllokuar nën rrënoja.
Të gjithë janë gjallë. Nëna ka arritur të dërgojë një mesazh në grup përmes rrjeteve sociale dhe të thërrasë për ndihmë. Pas kësaj, një numër i madh njerëzish u vërsulën drejt rrënojave për të ndihmuar familjen.
Nëna, babai dhe djali u shpëtuan herët në mëngjes, por nuk ishte e lehtë të arrinin tek vajza Aisha. Prindërit mundën të flisnin me të dhe në një moment ajo u tha atyre se ishte mirë.
VIDEO | Në Gaziantep, si pasojë e tërmetit u shemb një kështjellë mbi 2 mijë vjeçare
Nga frika e pasgoditjeve të tjera, njerëzit në disa qytete turke janë fshehur në makinat e tyre
Shtatë orë më vonë, vajza e vogël u nxor nga rrënojat. E vendosën në barelë dhe e çuan në spital. Sipas mediave lokale, ajo e kapi fort dorën e babait të saj gjatë gjithë kohës që po transportohej në ambulancë.
Ne gërmuam me duart tona për të nxjerrë nënën, babanë dhe djalin. Kështu bëmë edhe për Aishen e vogël. Arritëm ta nxirrnim jashtë. Sapo dëgjova se çfarë ndodhi, hipëm në makinë dhe nxituam këtu”, tha një kolege e nënës së Aishes.
VIDEO | Momenti kur tërmeti i dytë tronditi Turqinë është regjistruar drejtpërdrejt në televizion
“Gjyshja është bllokuar në ndërtesë”: Yjet turq kanë folur për tërmetin duke kërkuar ndihmë
