Disa ndërtesa u dëmtuan nga një sulm me dron në Moskë herët këtë mëngjes. Dëmet e shkaktuara nga sulmi, siç njoftoi kryetari i bashkisë së kryeqytetit rus, Sergey Sobyanin, janë të vogla dhe asnjë nga banorët e ndërtesave të sulmuara nuk u lëndua rëndë. Banorët e ndërtesave janë evakuuar, raporton "BBC".

Ministria ruse e Mbrojtjes akuzoi Ukrainën se qëndron pas sulmit ndaj Moskës.

https://twitter.com/nexta_tv/status/1663411996891443206

Agjencia e lajmeve "Reuters “publikoi deklaratën e Ministrisë ruse të Mbrojtjes ku thuhej se: “Sot në mëngjes regjimi në Kiev kreu një sulm terrorist me dronë në objektiva në qytetin e Moskës”.

“Tre prej tyre u shtypën nga lufta elektronike, humbën kontrollin dhe devijuan nga objektivat e synuara. Pesë dronë të tjerë u rrëzuan nga sistemi raketor tokë-ajër Pantsir-S në rajonin e Moskës”, thuhet në deklaratë.

Deri më tani nuk ka pasur raportime për të vdekur.

https://twitter.com/nexta_tv/status/1663415691134013441

Ukraina nuk e ka pranuar publikisht se ka kryer sulme ndaj objektivave në Rusi.