Një numër i madh i pjesëtarëve të KFOR-it me pajisje për të prishur demonstratat janë vendosur që nga mëngjesi i sotëm pranë ndërtesave komunale në Zveçan, Leposaviq dhe Zubin Potok, në veri të Kosovës, ku janë mbledhur banorë të nacionalitetit serb. Pas tyre ndodhen policë të shumtë të Kosovës, të cilët nuk i lejojnë serbët e grumbulluar të afrohen pranë objekteve komunale, raporton Kosova Online.

Serbët kërkojnë tërheqjen e policisë së Kosovës dhe kryetarëve të sapozgjedhur shqiptarë.

Janë të pranishëm disa xhipa dhe kamionë me më shumë se 100 ushtarë.

Ekipi i “Kosovo Online”, i cili ndodhet në vendngjarje, raporton se afër ndërtesës së Komunës së Zveçanit janë të pranishëm një numër i madh i pjesëtarëve të KFOR-it nga kontingjenti polak, të cilët formojnë unazën e parë të “sigurisë” rreth ndërtesës komunale. .

Pas pjesëtarëve të KFOR-it, afër vetë objektit, janë pjesëtarë të Policisë së Kosovës.

Informacionet janë se janë dy serbë të plagosur, njëri prej të cilëve ka lëndime më të rënda. Ata janë dërguar në spitalin e Mitrovicës së Kosovës.

Siç shkruan “Kosovo Online”, policia ka hapur zjarr, dhe vetëm në Zveçan janë hedhur rreth 30 bomba shokuese.