VIDEO | Ministria e Brendshme kërkon huliganë me kapuç: Nëse dikush e njeh të telefonojë në 192
Ministria e Brendshme apelon qytetarët nëse dikush e njeh një nga huliganët, si personi në video që hodhi bombën e molotovit në drejtim të policisë dhe ndërtesës së Kuvendit, mund ta lajmërojë në numrin e telefonit 192 ose në komisariatin më të afërt.
“Pavarësisht nëse kallëzimi është anonim apo jo, punonjësit e policisë do të veprojnë dhe nëse konfirmohet identiteti, ndaj autorëve do të merren masat përkatëse ligjore”, tha MPB.
Ministria apelon qytetarët që të mos lejojnë të futen zvarrë në skenarët e askujt dhe as në ndonjë incident të dhunshëm, sepse do të merren masat më rigoroze dhe nuk do të tolerohet prishja e qetësisë dhe sigurisë.
“Çdo dialog duhet të zhvillohet në institucionet e sistemit, dhe policia e Maqedonisë është pikërisht garantues i sigurisë së atyre institucioneve, të shtetit dhe qytetarëve të tij”, thekson Ministria.