VIDEO | Mickoski për Kovaçevskit: Nëse qeveria mbledh 80 deputetë, do të largohem përgjithmonë nga politika

Foto: Pamja e ekranit, YouTube

Kryetari i VMRO DPMNE-së, Hristijan Mickoski kërkoi nga qeveria që menjëherë pas pushimeve të caktojë seancën e Kuvendit për ndryshimet kushtetuese. Nëse më shumë se 80 deputetë votojnë për ndryshime në Kushtetutë për të përfshirë bullgarët, ai tha se të nesërmen do të tërhiqet përgjithmonë nga politika. Por në të kundërt ai kërkoi zgjedhje të parakohshme parlamentare.

“Dje thashë se besoj në çdo deputet nga grupi parlamentar i udhëhequr nga VMRO-DPMNE brenda Kuvendit se në këto rrethana nuk do të votojnë për ndryshimin e Kushtetutës dhe se nëse ndodh një gjë e tillë do të largohem përgjithmonë nga politika. Sepse kam besim të plotë tek të gjithë. Këtu sot në Tetovë do të bëjmë një hap përpara, një mesazh për Qeverinë e udhëhequr nga BDI-ja dhe LSDM-ja dhe Dimitar Kovaçevski, menjëherë pas kthimit të deputetëve nga pushimet vjetore, që pika e parë e seancës së parë në Kuvend të jetë Propozimi për ndryshimin e Kushtetutës së Maqedonisë dhe nëse mbledh 80 deputetë, premtimin do ta përmbush në të njëjtën ditë. Nëse nuk i ka 80 deputetë, atëherë të shkojmë në zgjedhje të parakohshme parlamentare”, tha Mickoski gjatë vizitës së tij në Tetovë.

Sot dhe nesër ai ka takime me partnerët e koalicionit për të sqaruar çështjen e referendumit dhe seancën e mundshme për ndryshimet kushtetuese.

“Kam pasur takime me katër nga partnerët e koalicionit. Do të vazhdoj nesër gjatë ditës edhe me konsultime derisa të konsultohemi me të gjithë partnerët e koalicionit, pastaj brenda partisë, Komitetit Ekzekutiv etj., pasi të funksionojë Parlamenti do të dalim me një qëndrim përfundimtar për referendumin, por mendoj se qëndrimi është i qartë dhe i përsëritur disa herë”, theksoi Mickoski.

Mickoski në Tetovë iu bashkua fushatës për zgjedhje të jashtëzakonshme për Këshillin e Tetovës dhe zhvilloi takime me qytetarët.

Video e ditës