VIDEO | “Magjia” e Lewandowskit për fitoren e Barcelonës në vizitë ndaj Mallorca
Falë Robert Lewandowskit, Barcelona fitoi si mysafir ndaj Mallorca.
Është luajtur minuta e 20-të e ndeshjes kur Ansu Fati asistoi Lewandowskin i cili shënoi një gol të mrekullueshëm për të kaluar Barcelonën në epërsi. Ky gol i sulmuesit polak rezultoi vendimtar në fund.
Pas epërsisë së Barcelonës në pjesën e parë, nuk pamë asnjë rast serioz në asnjërën anë. Në pjesën e dytë, Barcelona e kishte topin në posedim, por vendasit krijuan raste nga kundërsulme të ndryshme.
Vendasit krijuan disa raste vërtet të shkëlqyera shënimi, dy prej të cilave ranë në sy, por në fund nuk arritën të barazojnë. Duhet përmendur se katalanasit nuk patën asnjë goditje në portë në pjesën e dytë dhe kjo pasqyron lojën e tyre në këtë periudhë.
Megjithatë, ajo që ka më shumë rëndësi për skuadrën e Xavit janë tre pikët që i kanë në vendin e parë me 19 pikë, një më shumë se Real Madridi i vendit të dytë, por Barcelona ka një ndeshje më pak.