VIDEO | Kovaçiq e ka përlotur Ademin me një videomesazh
Gjiganti kroat, Dinamo Zagreb, i ka dhënë lamtumirën me stil Arian Ademi i cili u largua nga “blutë” pas 13 vitesh dhe vazhdon në Kinë, te skuadra e Pekinit Guan.
Pas ndeshjes së sotme ndaj Maltës, Ademi do të shkojë drejt Kinës ku duhet të promovohet. Dynamo publikoi një video speciale kushtuar legjendës së saj. Ademi në video flet për disa momente të karrierës së tij dhe më e vështira siç dihet është afera e dopingut.
“Ishte një tronditje vërtet e madhe për mua. Pastaj isha me kombëtaren, më thirri trajneri dhe më tha atë lajm të tmerrshëm. Ishte periudha më e vështirë në të cilën më duhej të luftoja për të vërtetuar të vërtetën. Pauzova dy vjet të tëra dhe u ktheva në ndeshjen mes Maqedonisë dhe Lihtenshtajnit kur shënova gol.
Ademi në një pjesë të intervistës dëgjon mesazhet e marra nga ish-shokët e skuadrës. Mesazhi i lojtarit të Chelseat ka shkaktuar emocione të veçanta për Ademin. Mateo Kovacic.
“Aki, vëllai im. Më vjen mirë që kam qenë pjesë e karrierës suaj të lavdishme te Dynamo dhe që mund të të quaj mik. E di sa shumë do të thotë Dinamo për ty dhe që nuk e ke të lehtë ta lësh, tregoi se si duhet të sillet një kapiten. Faleminderit që u treguat të rinjve se si duhet të jenë në fushë, por edhe jashtë saj.