VIDEO: Kolona kilometërshe në kufirin ruso-gjeorgjian, rusët ikin nga thirrjet ushtarake të Putinit
Rusët po përpiqen të largohen nga vendi për të shmangur rekrutimin për luftën në Ukrainë, raporton BBC.
Radhët u krijuan në pikat kufitare pasi Presidenti Vladimir Putin njoftoi një mobilizim të pjesshëm ushtarak të mërkurën.
Kremlini thotë se raportet për burra që ikin nga luftimet janë "të ekzagjeruara".
Por në kufirin me Gjeorgjinë, janë krijuar radhë të gjata kilometrash automjetesh, duke përfshirë burra që përpiqen t'i shpëtojnë luftës.
Një numër i madh njerëzish po përpiqen të largohen 🇷🇺. Kjo është nga kaosi në kufi me 🇬🇪. Radhë të gjata edhe për 🇲🇳 me njerëz që thjesht duan të dalin. pic.twitter.com/E6Czlsi1yl
- Carl Bildt (@carlbildt) Shtator 22, 2022
Disa nga ata që shkonin drejt vendit fqinj përdorën biçikleta për të anashkaluar linjat e makinave dhe për të shmangur ndalimin e kalimit në këmbë.
Një nga burrat, i cili nuk donte të emërohej, i tha BBC-së se kishte pritur që nga ora 09:00 me orën lokale të së enjtes dhe arriti të kalonte vonë atë mbrëmje.
Një tjetër burrë raportoi një pritje 12-orëshe, duke përmendur mobilizimin e pjesshëm si arsyen që duhej të largohej nga Rusia për të vazhduar studimet.