VIDEO INTERVISTË | Jovana Mojsoska: E majta është e vetmja parti antifashiste në Maqedoni
Për 30 vjet asnjë qeveri nuk u kujdes për monumentet tona antifashiste dhe jo vetëm që nuk ka promovim të luftës popullore-çlirimtare, por nëse kërkoni diçka për historinë antifashiste të Maqedonisë, do të shihni se gjatë Jugosllavisë, u bënë shumë më tepër filma dhe u ruajtën një arkiv shumë më i madh se në këto 30 vite pavarësi. Ndërkohë u ndërtuan muzetë e viktimave të komunizmit, ndërsa këto monumente u lanë në sprovë të kohës. Ishte në kohën e VMRO-DPMNE-së dhe në kohën e LSDM-së arritëm deri në fshirjen e mbishkrimeve “Okupatori fashist bullgar” nga përmendoret. Është një rehabilitim i drejtpërdrejtë i fashizmit që po ndodh në vendin tonë dhe tashmë po përshkallëzohet dhe klubet bullgare e dëshmojnë këtë. Këtu do të theksoja se e majta është e vetmja parti antifashiste në Maqedoni, thotë Jovana Mojsoska, sekretarja e përgjithshme e së majtës.
Mojsoska ishte mysafire në emisionin “Shtypi i mëngjesit”, ku theksoi se partia e saj në periudhën e fundit është sulmuar njësoj nga LSDM dhe VMRO-DPMNE.
“Kur shihni se dy shoqëritë aksionare (LSDM dhe DPMNE) që e kanë kthyer Maqedoninë në pronë private ju sulmojnë çdo ditë në mënyrë të koordinuar dhe histerike, është shenjë se jemi në rrugën e duhur – tha Mojsoska.
Ajo u përgjigj edhe për akuzat se e majta është parti proruse.
"Për mendimin tim është e mjegullt të flitet për përhapjen e ndikimit rus në vend, sepse nuk di ndonjë shembull në historinë maqedonase që ambasadori rus të ndjekë deputetë nëpër korridoret për ndryshimin e emrit kushtetues", theksoi Mojsoska. .
Mojsoska përsëriti qëndrimin negativ të së majtës ndaj anëtarësimit tonë në NATO, duke theksuar se partia e saj asnjëherë nuk ka qenë kundër BE-së, por anëtarësimi në Union, sipas saj, nuk duhet të ndodhë me asnjë çmim.
Ajo beson se Goce Dellçev është maqedonas dhe nëse është bullgar sepse ka studiuar në shkollë bullgare dhe është punësuar në administratën bullgare, atëherë sipas saj dhe kryetarit të Kuvendit Talat Xhaferi mund të pretendojmë se është jugosllav. sepse ka studiuar në Beograd dhe ka qenë oficer në APJ.
