VIDEO | Santa Claus puth një burrë: Historia e dashurisë në këtë reklamë për Krishtlindje do t'ju kënaqë
Postimi i Krishtlindjeve i shërbimit postar norvegjez “Posten” është quajtur tashmë nga shumëkush reklama e vitit, dhe ka shkaktuar reagime të shumta në rrjetet sociale me temë, përmbajtje dhe simbolikë.
Reklama është bërë për të shënuar 50 vjetorin e dekriminalizimit të homoseksualitetit në Norvegji.
Reklama tregon lindjen e dashurisë mes një burri të quajtur Harry dhe Santa Claus. Titulli i reklamës është "When Harry Met Santa Claus", në anglisht "When Harry met Santa" që aludon në filmin e njohur "When Harry Met Sally". Historia vjen pas takimit të parë, kur një burrë aksidentalisht “kap” Babadimrin duke i lënë dhurata dhe më pas çdo vit pret me padurim ta shohë sërish.
Çifti afrohet çdo vit gjatë takimeve të shkurtra të Krishtlindjeve dhe ndahet më pas. Në një moment ndarja bëhet shumë mizore dhe Harry duke qarë pas largimit të Babagjyshit shkruan: "Do te me mungosh". Një vit më pas, ai i shkroi një letër Babagjyshit me mesazhin: ""Gjithçka që dua për Krishtlindje je ti." ose në anglisht "All I Want for Christmas is You", në një aludim të ri për hitin e Krishtlindjeve të Mariah Carey.