VIDEO: Shkrimtari britanik Salman Rushdie goditet me thikë në Nju Jork

Foto Kolazh/Print

Shkrimtari britanik me origjinë indiane Salman Rushdie është sulmuar sot në një ngjarje në pjesën perëndimore të shtetit të Nju Jorkut, raportojnë mediat lokale.

Policia në qarkun Chitakwa, ku Rushdi ishte planifikuar të fliste, konfirmoi se një burrë ishte therur me thikë, pa e identifikuar atë.

Mediat amerikane raportojnë se Rushdi është goditur me thikë në qafë dhe është dërguar me urgjencë në spital.

75-vjeçari Rushdi njihet për librin e tij “Vargjet Satanike”, i cili është i ndaluar në Iran që nga viti 1988.

Shkrimtari britanik u detyrua të fshihej për një dekadë pasi Ajatollah Khomeini i Iranit nxori një dekret fetar (fetva) që urdhëronte besimtarët të vrisnin shkrimtarin për shkak të fyerjes së supozuar të romanit ndaj Islamit.

Në vitin 1998, qeveria iraniane njoftoi se nuk e mbështet fetvanën, por edhe se nuk do ta tërheqë atë.

Sipas doktrinës islame, një fetva e lëshuar njëherë nuk mund të tërhiqet, veçanërisht nëse udhëheqësi fetar që e ka nxjerrë atë ka vdekur ndërkohë, siç ishte rasti me Khomeinin (1902-1989).

Rushdie hyri në botën e letërsisë në vitin 1981 me romanin Fëmijët e mesnatës, i vendosur në vendlindjen e tij Mumbai, i cili fillon në mesnatën e 15 gushtit 1947, në momentin kur India fiton pavarësinë nga Britania e Madhe.

Video e ditës