Armëpushimi mes Izraelit dhe Hamasit i ndërmjetësuar nga administrata Trump po shembet, në një kohë kur ai është i fokusuar në përfundimin e konfliktit ushtarak ukrainas.

Tanket izraelite kanë hyrë që nga mëngjesi i sotëm në zonën e sigurisë tokësore, Korridorin Netzarim, i cili ndan në dy pjesë Rripin e Gazës. Forcat izraelite u tërhoqën nga kjo zonë në shkurt, si pjesë e fazës së parë të marrëveshjes së armëpushimit.

Ushtria izraelite tha se trupat në terren "kanë nisur një operacion tokësor në Rripin qendror të Gazës dhe në jug me qëllim të zgjerimit të zonës së sigurisë dhe krijimit të një zone të pjesshme mbrojtëse midis veriut dhe jugut të enklavës".

Ky inkursion tokësor u parapri nga sulme të ashpra me raketa në Rripin e Gazës gjatë dy ditëve të fundit, ku sipas raportimeve të fundit, deri më tani janë vrarë 436 palestinezë.

Hamasi e përshkroi inkursionin në korridorin Netzarim si një "shkelje të re dhe të rrezikshme" të armëpushimit.

Megjithatë, Departamenti Amerikan i Shtetit tha se “propozimi për zgjatjen e armëpushimit në Gaza është ende në tavolinë, por jo për shumë kohë”.

"Aktualisht kemi një propozim në tryezë që do të kapërcejë dallimet midis dy palëve, do të zgjasë armëpushimin dhe do të lejojë lirimin e pesë pengjeve të gjalla, përfshirë amerikanin Adan Alexander," tha një zëdhënës i Departamentit të Shtetit, duke fajësuar militantët palestinezë për situatën aktuale. Gjegjësisht, SHBA-të kërkojnë që Hamasi të lirojë pengun amerikan dhe nëse ai nuk lirohet, armëpushimi i arritur mes Izraelit dhe Hamasit rrezikon të shembet.

Më parë, zyrtari i Hamasit, Taher el-Nono tha se grupi nuk e kishte mbyllur derën për negociata, pavarësisht bombardimeve të vazhdueshme izraelite.

Në terren ka edhe luftime të ashpra mes ushtrive ruse dhe ukrainase. Këto përleshje janë ndezur veçanërisht pas deklaratave optimiste të presidentit amerikan Trump dhe atij rus Putin, të cilët pas bisedimeve të djeshme ranë dakord të lëvizin drejt ndalimit të luftës trevjeçare ruso-ukrainase.

Ndërsa mesazhet e marrëveshjes për një armëpushim u dërguan në publik, përplasjet u ndezën në terren.

Ushtria ruse kreu "sulmin më të madh në vitet e fundit" në Kropyvnytskyi në rajonin Kirovohrad këtë mëngjes, duke plagosur tetë persona, duke përfshirë një fëmijë, tha guvernatori rajonal Andriy Raykovich, raporton Kyiv Independent.

Më shumë se 20 dronë rusë u lëshuan në qytet gjatë natës, duke sulmuar shtëpi dhe ndërtesa banimi, tha i njëjti burim.

Kropyvnytskyi është në zjarr. Rreth 30 shpërthime u dëgjuan në qytet.

Pra, siç u premtua, jo më goditje në sistemin energjetik. Por askush nuk tha asgjë për zonat e banuara, apo jo? pic.twitter.com/Ir0sU17CR1

— Shën Javelin (@saintjavelin) March 19, 2025

Administrata e Hekurudhave të Ukrainës tha se infrastruktura hekurudhore u dëmtua si rezultat i sulmit. Shërbimet e emergjencës aktualisht po punojnë në vendngjarje.

Kropyvnytskyi është një qytet që më pëlqen. Kam kaluar shumë mirë atje me motrën time vite më parë, duke shëtitur, duke ngrënë varenyky me qershi dhe duke shijuar festivalin e tulipanëve.
Këtë natë rusët bombarduan dreqin me dronë Shahed. Më shumë se 30 shpërthime. Zonat civile… pic.twitter.com/Xg5LNOxSrR

— Anastasiya Paraskevova (@UkrainianAna) March 20, 2025

Kropyvnytskyi, me një popullsi prej rreth 220.000, është qendra administrative e Oblastit Kirovohrad në Ukrainën Qendrore.

Ushtria ukrainase u përgjigj duke kryer sulmin më të madh me dron që nga fillimi i luftës, duke qëlluar në rajonin rus të Saratovit.

‼️‼️‼️ Lajm i madh – Në agim, ukrainasit godasin bazën ajrore Engels të aviacionit strategjik të Rusisë në rajonin e Saratovit, rreth 600 km larg kufirit, duke përdorur drone kamikaze. Në vendngjarje dëgjohen shpërthime të forta dhe po shkatërrohet një sasi e madhe municionesh. Nuk është… pic.twitter.com/20LjXqz9Yx

— Vizioner (@visionergeo) March 20, 2025

Autoritetet ruse kanë njoftuar se qytetet e Saratov dhe Engels, në një zonë ku ndodhet një bazë e madhe ushtarake për bombarduesit strategjikë, janë goditur nga sulmi më i madh me dron që kur Moska filloi një pushtim të plotë të Ukrainës tre vjet më parë.

Kyiv Post raportoi se Engels është shtëpia e bombarduesve strategjikë me rreze të gjatë Tu-160 dhe Tu-95MS, të cilët përdoren për sulme në Ukrainë.

Aeroporti ushtarak ku janë stacionuar këta bombardues dhe i cili ishte objektivi i sulmeve ukrainase ndodhet 614 kilometra larg kufirit ukrainas.

Mbetet të shihet se si do të zbatohen në terren marrëveshjet e armëpushimit të arritura në tryezë. Aktualisht, konfliktet janë ndezur si në Gaza ashtu edhe në Ukrainë, të cilat janë intensifikuar ditët e fundit.

Analiza e plotë në videon e mësipërme në tekst.