Trump kërcënoi Hamasin të "hapë portat e ferrit" nëse nuk liron të gjithë pengjet izraelitë.

Presidenti amerikan tha se marrëveshja e armëpushimit midis Izraelit dhe Hamasit do të anulohet nëse Hamasi nuk liron të gjithë pengjet e mbetura në Gaza deri në mesditë të së shtunës.

Hamasi njoftoi dje se nuk do t'i lirojë pengjet deri në një njoftim të dytë për shkak të shkeljeve të marrëveshjes së armëpushimit nga Izraeli, dhe më pas njoftoi se ishte e mundur që procesi të vazhdonte siç ishte planifikuar më 15 shkurt nëse shkeljet ndalonin.

Pas këtij zhvillimi të fundit, qeveria izraelite urdhëroi ushtrinë të ishte në gatishmëri të lartë në Gaza dhe të mbronte komunitetet izraelite.

Ushtria izraelite më vonë njoftoi se niveli i gatishmërisë ishte ngritur dhe se forca shtesë ishin planifikuar për misione mbrojtëse.

Trump njoftoi më parë se vendimi për zgjatjen e armëpushimit përfundimisht do të varet nga Izraeli, por ai gjithashtu paralajmëroi se  "Portat e ferrit do të hapen" nëse pengjet e mbetura nuk lirohen, duke shtuar se ai ka frikë se shumë prej tyre tashmë janë të vdekur.

Trump tha gjithashtu se mund të ndërpresë ndihmën për Jordaninë dhe Egjiptin nëse ata refuzojnë të pranojnë refugjatë palestinezë nga Gaza.

Grupi terrorist palestinez Hamas do të lironte disa pengje të shtunën në këmbim të palestinezëve të mbajtur në burgjet izraelite, siç ka qenë rasti për tre javët e mëparshme.

Zëdhënësi i krahut ushtarak të Hamasit, Abu Ubaida, megjithatë, akuzoi Izraelin për shkelje të marrëveshjes duke vonuar kthimin e palestinezëve në Gazën veriore, duke bombarduar dhe qëlluar mbi ta dhe duke penguar hyrjen e ndihmave në enklavë.

Armëpushimi është respektuar kryesisht që kur hyri në fuqi më 19 janar, megjithëse ka pasur disa incidente në të cilat forcat izraelite kanë vrarë palestinezë për të cilët pretendonin se ishin anëtarë të Hamasit dhe përbënin një rrezik sigurie.

Për shkak të zhvillimeve të fundit, ndërmjetësit e armëpushimit, Egjipti, Katari dhe Jordania, i frikësohen një kolapsi të plotë të armëpushimit të Gazës.

E njëjta gjë vlen edhe për përpjekjen për paqe të Trump për të ndalur luftën në Ukrainë.

Presidenti amerikan Donald Trump ka lënë të hapur mundësinë që Ukraina “një ditë mund të jetë ruse” dhe bëri thirrje për shkëmbimin e ndihmës amerikane për burimet natyrore të Kievit, si mineralet e rralla.

“Ndoshta do të bëjnë një marrëveshje, ndoshta nuk do të bëjnë një marrëveshje”. “Ndoshta ata do të jenë rusë një ditë, ose ndoshta nuk do të jenë rusë”, tha Trump në një intervistë për Fox News.

“Unë dua që paratë tona të jenë të sigurta sepse ne shpenzojmë qindra miliarda dollarë”, theksoi Trump në një intervistë për Fox News. Presidenti amerikan specifikoi se ai kishte kërkuar minerale të rralla me vlerë gjithsej 500 miliardë dollarë nga Ukraina.

 

Deklarata e Trump pasoi raportet se ai kishte folur me presidentin rus Putin ditët e fundit. Ndonëse nuk ka detaje për atë që u diskutua, në opinion janë shfaqur spekulime se Putin ka qëndruar i vendosur në qëndrimin e tij se kërkon garanci për realizimin e linjave maksimaliste të përvijuara në kuadrin e interesave gjeostrategjike ruse, diçka që, të paktën sipas spekulimeve, nuk shkon në favor të Trump për ndalimin e luftës.

Prandaj interpretimi i deklaratës së Trump, i cili tashmë mesa duket është fokusuar në kërkimin e garancive për mineralet e rralla që zotëron Ukraina, të cilat përdoren veçanërisht në elektronikë.

Analiza e plotë në videon e mësipërme në tekst.