Kryeministri Hristijan Mickoski thotë se është shumë optimist pas takimit me presidentin francez Emmanuel Macron se Maqedonia do të ketë sukses në zhbllokimin e rrugës drejt negociatave me BE-në, ndonëse bashkëbiseduesi i tij pas takimit deklaroi qartë se Franca do ta mbështesë Maqedoninë në rrugën evropiane, nëse vendi respekton detyrimet e marra ndërkombëtare.

- Optimizmi i Mickoskit pas takimeve me përfaqësuesit evropianë është konfuz, kur thotë se është optimist, dhe ata deklarojnë se Maqedonia duhet t'i respektojë zotimet e marra. Takimi u zhvillua në margjinat e samitit të Komunitetit Politik Evropian, ku lideri ynë tregoi se kishte arritur t'i prezantonte argumentet tona para aleatëve evropianë. Është e qartë se kryeministri ynë po përpiqet të sjellë ndryshime kushtetuese me efekt të vonuar, por të gjithë politikanët e BE-së insistojnë që qytetarët maqedonas me vetëdije bullgare të njihen menjëherë në Kushtetutën tonë. Macron deklaroi pa mëdyshje se Maqedonia do ta ketë mbështetjen e Francës, nëse fillimisht i përmbush obligimet e saj dhe këtu nuk ka vend për optimizëm - thotë gazetari i Sloboden Pechat, Srdjan Ivanoviq.

Shikoni të gjithë analizën në linkun e mëposhtëm: