VIDEO | Analizë: Protestat në Kinë janë dëshmi se zëri i popullit duhet dëgjuar gjithmonë

Protesta në Kinë/ Foto: JOSH EDELSON / AFP / Profimedia

Nëpër rrugët e disa qyteteve kineze në ditët e fundit kanë shpërthyer protesta të mëdha kundër politikave Covid të Partisë Komuniste. Vendi, në të cilin protesta të tilla janë shumë të rralla, habiti vëzhguesit e huaj.

Politikat e Kinës për Covid-in kanë zemëruar qytetarët, të cilët vitin e fundit kanë parë vendet e tjera të botës të lehtësojnë masat dhe t'i kthehen jetës "normale". Partia Komuniste e udhëhequr nga presidenti Xi Jinping nuk ka ende ndërmend të tërheqë politikën e diskutueshme "zero-covid" dhe vetë Xi tha se do të "merrte veprimet e duhura" për t'i dhënë fund protestave.

Protestat në Pekin janë shënuar nga “fletët e bardha”, të cilat pasqyrojnë situatën me krizën e Covid në fuqinë ekonomike botërore. Demonstruesit i thirrën protestat e tyre "revolucioni i letrës së bardhë".

Policia filloi të arrestojë masivisht demonstruesit në protesta dhe u kërkoi disa prej tyre që të fshinin fotot nga protesta.

Protestat masive shpërthyen edhe në fabrikën më të madhe të prodhimit të iPhone, Foxconn, ku punonjësit duruan kushte çnjerëzore për muaj të tërë.

Protestat e tilla janë dëshmi se zëri i popullit duhet dëgjuar gjithmonë. Kinezët rrallë vendosin se kur të protestojnë, por këto ditë është vërtetuar se edhe ata kanë të drejtë të thonë mendimin e tyre.

Por pak besojnë se autoritetet në Kinë do të ndryshojnë mendje. Mbetet vetëm të shpresojmë që protestat të zhvillohen në mënyrë paqësore dhe pa viktima.

Ekspertët perëndimorë kanë frikë se autoritetet e Pekinit mund të përdorin forcë kundër protestuesve, gjë që do të ishte e tmerrshme, por edhe e papritur.

Qyteti kinez që u harrua nga pandemia

Video e ditës