Qeveria ka vendosur që të inicojë procedurë për shkarkimin e prokurorit publik të shtetit Ljupço Kocevski.

“Qeveria ka hyrë në ballafaqim me gjyqësorin dhe shkarkimi i prokurorit publik është hapi i parë në rrugën drejt arritjes së qëllimit. Jam i sigurt se Kocevski do të shkarkohet nga Kuvendi, sepse për këtë ka një konsensus mes të gjitha partive të koalicionit në pushtet. Hapi i radhës do të jetë largimi i anëtarëve të Këshillit Gjyqësor, të cilët janë nën presionin e publikut për të hequr dorë nga mandati. Fillimisht, kryeministri Hristijan Mickoski u bëri thirrje të tërhiqen, ndërsa dje një deklaratë të tillë e bëri edhe kryetarja Gordana Siljanovska-Davkova. Pritet që në periudhën e ardhshme të shohim një ndryshim të plotë të njerëzve të lartë në gjyqësor, i cili, duhet të përmend, është i pavarur në funksionimin e tij sipas Kushtetutës - thotë gazetari i Sloboden Pechat, Srdjan Ivanoviq.