Ministrja e Energjisë, Sanja Bozinovska, fillimisht deklaroi se nuk ka nënshtetësi bullgare, e më pas zyra e saj njoftoi se ka aplikuar për shtetësinë e fqinjit lindor për arsye ekonomike. Një moment i diskutueshëm në gjithë këtë çështje është se ajo ka nënshkruar kërkesën për shtetësi, në të cilën ka deklaruar se ajo, si dhe prindërit e saj, kanë vetëdije bullgare - thotë gazetari i Sloboden Pechat, Srdjan Ivanoviq.

- Ndryshe nga një numër i madh i vendeve të tjera, kur dorëzoni dokumente për shtetësinë bullgare, një nga kushtet është deklarimi i vetëdijes bullgare, si për ju ashtu edhe për prindërit tuaj. Agjencia BGNES publikoi një kopje të aplikacionit të ministres Bozhinovska, në të cilën ajo deklarohet bullgare, por pretendon se edhe babai i saj Blazho dhe nëna Violeta janë bullgare. Vlen të theksohet se ajo ka dorëzuar dokumente në vitin 2004, kur Bullgaria nuk ishte anëtare e BE-së, kështu që pretendimi se ka nxjerrë pasaportë për arsye ekonomike nuk është shumë bindës. Dëmi është i madh sepse në të ardhmen deklarata e saj për rrënjët bullgare, si dhe deklaratat e 120.000 maqedonasve me pasaporta bullgare, do të paraqesin material historik dhe temë të një mosmarrëveshjeje të re për historinë mes dy vendeve - thotë Ivanoviq.

Ndiqni të gjithë analizën në linkun e mëposhtëm: