Artan Grubi përmes rrjeteve sociale ka bërë të ditur se po tërhiqet nga jeta publike dhe politika, duke thënë se është “i pastër si loti”, edhe pse pak ditë më parë u fut në listën e zezë në Shtetet e Bashkuara të Amerikës me dyshimin për përfshirje në korrupsion.

Ish-zëvendëskryeministri ka shkruar në postim se e gjithë jeta e tij publike i është përkushtuar pa kompromis barazisë së shqiptarëve në Maqedoninë e Veriut, paqes në rajon, integrimit të plotë në NATO, anëtarësimit në BE, si dhe një partneriteti strategjik me SHBA.

- Në Maqedoni nuk ka parti amerikane më shumë se BDI, dhe këtu në plan të parë e kam parasysh Artan Grubin. Prandaj, tërheqja e tij nuk është befasi. Madje, jo shumë kohë më parë nga BDI-ja ka ardhur propozimi që personat nga listat e zeza të vendeve të huaja të hiqen automatikisht nga politika, për këtë ka folur publikisht ish-ministri i Punëve të Jashtme Bujar Osmani. Përndryshe, BDI-ja beson se Grubi është i pafajshëm, por ndoshta askush nuk do të kundërshtojë largimin e tij nga politika, që vjen në një moment shumë të pavolitshëm, kur partia lufton për mbijetesën e saj në skenën politike - thotë gazetari i Sloboden Pechat. Srdjan Ivanoviq .